Zjarri në një naftësjellës merr jetët e 66 personave në Meksikë

16:59 | 19 Janar 2019
Arbresh.info

Të paktën 66 persona kanë vdekur dhe 76 të tjerë janë plagosur për shkak të zjarrin që ka rënë në një naftësjellës në qendër të Meksikës, njoftoi sot guvernatori i shtetit të Hidalgos ku ka ndodhur kjo katastrofë, Omar Fayad.

“Bilanci që kemi marrë para disa minutash është 66 persona të vdekur dhe 76 të plagosur”, deklaroi ai gjatë një konference për shtyp në Meksiko, ku ka takuar presidentin meksikan, Andres Manuel Lopez Obrador.

Zjarri ra në rajonin e Tlahuelilipanit, në shtetin e Hidalgos, rreth 100 kilometra në veri të Meksikos.

Një rrjedhje në naftësjellës kishte tërhequr dhjetëra banorë që kishin ardhur të mblidhnin karburantin të pajisur me kova.

Pak orë më pas, imazhet në medie tregonin zjarrin dhe njerëz të tmerruar që largoheshin dhe thërrisnin për ndihmë duke ulëritur.

Shpërndaje në rrjete sociale

Lajmet më të lexuara

Të ngjashme

Foto lajm